換人生－努力生活的香港男子😅

今日睇到單新聞
俄羅斯兩少女嬰兒時被掉換
長大後一個差啲被呀爸謀殺
另外一個萬千寵愛在一身

好諷刺呀
估唔到呢類曬狗血既劇情
會切實地發生係真實世界

成件事最慘係差啲死個女仔
因為自己同父母個樣原全唔同
被呀爸誤以為係外遇個女
差少少被佢用枕頭焗死
而呢刻發現自己父母另有其人
係所謂既雙重打擊

無它既
我依然深信
呢個世界自有安排
人生會遇到唔同既難題
但你總會有能力度過

人生中仲有不同既人
係你既社交圈子進進出出
對住曾經日日傾心事
識左好多年既朋友
終於唔再聯絡你
係有不捨既
但緣分盡左啦嘛
強求都冇用

相反有啲衰人
成日想睇住你死
偏偏老是常出現
有時你甚至懷疑
佢地係咪有少少著緊你
點解咁在乎我死得未
我死唔死關你咩事
好天真好傻

生活本來就係一種奇遇
面對未知既事當然會驚
但無論前面是喜是憂
結果同影響未必最重要
最重要睇你點面對